ការប្រណាំងកង់ភ្នំ WURKZ Mountain Bike Series ជុំទី១ ដែលធ្វើឡើងនៅឯភ្នំជាលកាលពីពេលថ្មីៗនេះ ទទួលបានអ្នកចូលរួមប្រកួត និងទស្សនាយ៉ាងច្រើនកុះកររហូតជាង ១៥០០នាក់ ដែលចំនួននេះមិនធ្លាប់មានក្នុងរយៈពេល ១៥ ឆ្នាំនៃការរៀបចំព្រឹត្តិការណ៍នេះទេ។ នេះបើតាមការបញ្ជាក់របស់លោក Pierre Yves Catry ប្រធានបច្ចេកទេសរៀបចំការប្រកួត និងស្ថាបនិកព្រឹត្តិការណ៍ប្រណាំងកង់ភ្នំ។
ក្រោយបញ្ចប់ការប្រណាំងជុំទី១ លោក Pierre Yves Catry បានមានប្រសាសន៍ថា៖ «ខ្ញុំពិតជារំភើបណាស់ ដែលព្រឹត្តិការណ៍នៃការប្រណាំងនេះទទួលបានការគាំទ្រយ៉ាងខ្លាំង និងពិតជាធំបំផុតមិនធ្លាប់មានពីមុនមក។»
បើតាមលោក Pierre អ្នកចុះឈ្មោះចូលរួមការប្រកួតមានចំនួន ៤៧៨នាក់ ក៏ប៉ុន្តែអ្នកប្រណាំងភាគច្រើនមកជាមួយគ្រួសារ និងជាមួយអ្នកគាំទ្រ បូករួមជាមួយអ្នកទស្សនាផ្សេងទៀត ធ្វើឲ្យចំនួនសរុបនៃអ្នកចូលរួមច្រើនបែបនេះ។
ជាមួយគ្នានេះដែរ អ្នកស្រី គង់ កុសល នាយិកាផ្នែកទីផ្សារក្រុមហ៊ុន ខ្មែរ ប៊ែវើរីជីស ដែលជាម្ចាស់ឩបត្ថម្ភផ្តាច់មុខព្រឹត្តិការណ៍នេះ ក៏បានលើកឡើងដែរថា កម្មវិធីប្រណាំងកង់ភ្នំនេះគឺជាព្រឹត្តិការណ៍កម្សាន្តបែបសុខភាពដ៏ល្អមួយ ស្របជាមួយនឹងការបន្តកើនឡើងនៃភាពពេញនិយមនិងប្រជាប្រិយភាពនៃការជិះកង់។
អ្នកស្រី គង់ កុសល បានបន្ថែមថា ខ្មែរ ប៊ែវើរីជីស នឹងបន្តឩបត្ថម្ភការប្រកួតជុំទី២ និងជុំទី៣បន្ថែមទៀត ហើយក៏បានលើកទឹកចិត្តឲ្យពលរដ្ឋធ្វើការចូលរួមកម្មវិធីនេះឲ្យបានច្រើន។ ជុំទី២ នឹងធ្វើឡើងនៅថ្ងៃទី១៩ ខែធ្នូ ឆ្នាំ២០២១ នៅព្រែកលៀប ចំណែកឯជុំទី៣នឹងធ្វើឡើងនៅខែមករា ឆ្នាំ២០២១ នៅគិរីរម្យ។
កីឡាករល្បីម្នាក់ឈ្មោះ ហេង បានមានចំណាប់អារម្មណ៍ថា៖ «ថ្ងៃនេះគឺមានភាពអធិកអធមមែនទែន។ ភេសជ្ជៈប៉ូវកម្លាំង វើក WURKZ ចំណាយគ្រប់បែបយ៉ាង ដើម្បីឲ្យបងប្អូនបានមកចូលរួមឲ្យស្គាល់ថាកីឡាជិះកង់នេះមានបទពិសោធខុសប្លែកយ៉ាងណា ក្នុងស្ថានភាពផ្លូវភ្នំ ផ្លូវរាប និងស្ថានភាពផ្សេងៗទៀត។ និយាយជារួម ការជិះកង់លក្ខណៈកីឡានេះ វាមានសារៈសំខាន់ខ្លាំងណាស់»។
ចំណែកឯកីឡាករមួយរូបទៀត លោក ទូច គន្ធន់ បានស្នើសុំឲ្យមានការបង្កើតកម្មវិធីនេះទៀត ដើម្បីឲ្យយុវជនចូលរួមឲ្យបានខ្លាំងក្លា ដែលផ្តល់ផលល្អមួយផ្នែកដល់សុខភាពផងដែរ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNVgvQWc9PSIsImV4cCI6bnVsbCwicHVyIjoiYmxvYl9pZCJ9fQ==--4adff8a6edef299ac9a8ae478db5bf663c9691d4/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/02CBB545-1965-4159-80D4-011E2D0.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNWIvQWc9PSIsImV4cCI6bnVsbCwicHVyIjoiYmxvYl9pZCJ9fQ==--a31aec58ba859b9986393b2b9d2788114f52291b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/2A44A219-FD0A-4690-90F4-CF0DDDC.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNVQvQWc9PSIsImV4cCI6bnVsbCwicHVyIjoiYmxvYl9pZCJ9fQ==--0b6b2f1aabd436cbae34caeed37755fbe6020049/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/87F00AD4-5861-4C12-A284-5B34790.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNVAvQWc9PSIsImV4cCI6bnVsbCwicHVyIjoiYmxvYl9pZCJ9fQ==--965541a06f8d2f9dbc99aa9e2df396024ce68bbb/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/8E405BFB-94F3-4D47-9D78-0E4613A.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNUwvQWc9PSIsImV4cCI6bnVsbCwicHVyIjoiYmxvYl9pZCJ9fQ==--5e242e75228175ecf1b6d642dbeb038ae2bc2511/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/3F370A4E-8B02-45F1-BD60-CD000B6.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNUgvQWc9PSIsImV4cCI6bnVsbCwicHVyIjoiYmxvYl9pZCJ9fQ==--f05793bf59c71eeef89d7b9d7f8ccc9c8c3bf007/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/0BFED11C-5008-4AD1-B66A-6B0B298.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNDcvQWc9PSIsImV4cCI6bnVsbCwicHVyIjoiYmxvYl9pZCJ9fQ==--ac19f860ec6a1207dc6ca98fc21a4c6a15416a69/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/3379ED32-5B83-40F4-97B8-1153FC8.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNUQvQWc9PSIsImV4cCI6bnVsbCwicHVyIjoiYmxvYl9pZCJ9fQ==--3d900a33b15c5de9c0f227142090cf579ee362a6/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/FAE123F0-8E40-4B80-B46B-5F8DBA1.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNC8vQWc9PSIsImV4cCI6bnVsbCwicHVyIjoiYmxvYl9pZCJ9fQ==--a35410ec5852e8f535511639834525a98f8104e0/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/87272E9F-9150-4B4A-AD04-4F8BB80.png)
0 comments:
Post a Comment