(កណ្តាល)៖ នៅព្រឹកថ្ងៃអង្គារ ៣កើត ខែចេត្រ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៦ ខែមីនា ឆ្នាំ២០២១ ឯកឧត្តម គង់ សោភ័ណ្ឌ អភិបាលខេត្តកណ្ដាល អមដំណើរដោយ លោក គីម រិទ្ធី អភិបាលរងខេត្ត បានដឹកនាំក្រុមការងារជំនាញពាក់ព័ន្ធ ចុះពិនិត្យអគារពាណិជ្ជកម្ម ជីន យុន មានទីតាំងស្ថិតនៅភូមិព្រែកសិង្គ ឃុំសំពៅពូន ស្រុកកោះ ធ្វើជាមណ្ឌលសម្រាកព្យាបាលអ្នកជំងឺកូវីដ-១៩ នៅក្នុងខេត្តកណ្តាល។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK2Y3QVE9PSIsImV4cCI6bnVsbCwicHVyIjoiYmxvYl9pZCJ9fQ==--532948a2aa376e82d44cda6e06e72c401f0b3445/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/161068035_1453464865006197_8928.jpg)
ក្នុងឱកាសនេះដែរ ឯកឧត្តម អភិបាលខេត្ត បានបន្តដឹកនាំក្រុមការងារចុះសួរសុខទុក្ខ បងប្អូន ក្មួយៗ ចំនួន ៦៨៦នាក់ ដែលត្រូវដល់ថ្ងៃកំណត់អនុញ្ញាតឱ្យត្រលប់ទៅផ្ទះវិញ ក្រោយពីពួកគាត់ត្រូវបានក្រុមគ្រូពេទ្យយកសំណាកធ្វើតេស្តចំនួន៣ដង ទទួលបានលទ្ធផលអវិជ្ជមាន និងបានធ្វើចត្តាឡីស័ក រយៈពេល១៤ថ្ងៃ នៅអគារស្នាក់នៅរួម របស់សណ្ឋាគារ យុង យ័ន ស្ថិតនៅភូមិជ្រៃធំ ឃុំសំពៅពូន ស្រុកកោះធំ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK2o3QVE9PSIsImV4cCI6bnVsbCwicHVyIjoiYmxvYl9pZCJ9fQ==--e5759f25684ed254f031c4ad10a06328380e3d3a/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/161779717_1453464898339527_3370.jpg)
ឯកឧត្តម អភិបាលខេត្ត បានអរគុណដល់ អជ្ញាធរជំនាញពាក់ព័ន្ធទាំងអស់ ដែលបានខិតខំបំពេញការងារ យ៉ាងយកចិត្តទុកដាក់ក្នុងការគ្រប់គ្រងស្ថានការណ៍ នៃការផ្ទុះឡើងការរាតត្បាតមេរោគកូវីដ-១៩ នៅក្នុងសហគមន៍ ហើយក៏ អរគុណដល់ ប្អូនៗ ក្មួយៗ ដែលបានចូលរួមសហការយ៉ាងល្អ ក្នុងការគោរព អនុវត្តតាមគោលការណ៍ណែនាំរបស់ក្រសួងសុខាភិបាល ជាពិសេសវិធានការការពាររបស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា គឺ ៣.ការពារ និង៣.កុំ ដែលធ្វើឱ្យពួកគាត់ បានគេចផុតពីការវាយប្រហារ ដោយសារមេរោគដ៏កាចសាហាវនេះ និងសូមបន្តអនុវត្ត និងផ្សព្វផ្សាយ គោលការណ៍នេះ ឱ្យបានខ្ជាប់ខ្ជួន ទៅដល់មិត្តភក្តិ បងប្អូន ក្រុមគ្រួសារ សាច់ញាតិ ឱ្យបានយល់ដឹងគ្រប់ៗគ្នា។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK243QVE9PSIsImV4cCI6bnVsbCwicHVyIjoiYmxvYl9pZCJ9fQ==--bfb5fe32bd2d19b20a8a362557f0743d93ec344c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/161076035_1453464881672862_5815.jpg)
សូមជម្រាបថា ចំពោះ បង ប្អូន ក្មួយៗ ដែលបានយកសំណាកធ្វើតេស្តចំនួន៣ដង មានលទ្ធផលអវិជ្ជមាន និងបានធ្វើចត្តាឡីស័កបានត្រឹមត្រូវ ក្រុមគ្រូពេទ្យជំនាញរបស់យើង ផ្តល់ជូននូវលិខិតបញ្ជាក់សុខភាពជូនពួកគាត់ផងដែរ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK3o3QVE9PSIsImV4cCI6bnVsbCwicHVyIjoiYmxvYl9pZCJ9fQ==--61fd1a5056375b82cf85d486be4c25fda0461606/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/161635191_1453465018339515_1701.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK3I3QVE9PSIsImV4cCI6bnVsbCwicHVyIjoiYmxvYl9pZCJ9fQ==--15b844fcb2a311de2e84139f924becaec8c9a56a/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/161223240_1453464971672853_3918.jpg)
0 comments:
Post a Comment