ឯកឧត្ដម ប៉ែន កុសល្យ អភិបាលខេត្តឧត្ដរមានជ័យ អញ្ជើញទទួលធុងសម្រាមចំនួន២០ ពីក្រុមហ៊ុនកូកា កូឡា

   ឯកឧត្ដម ប៉ែន កុសល្យ អភិបាល នៃគណៈអភិបាលខេត្តឧត្ដរមានជ័យ បានអញ្ជើញទទួលធុងសម្រាមគ្រប់គ្រងសំរាមចំនួន២០ សម្រាបប្រើប្រាស់ក្នុងខេត្តឧត្ដរមានជ័យ។ ពិធីប្រគល់នឹងទទួល បានរៀបចំឡើងនារសៀលថ្ងៃព្រហស្បតិ៍ទី១ ខែតុលា ឆ្នាំ២០២០ នៅមុខបរវេណសាលាខេត្តឧត្ដរមានជ័យ ដោយមានការចូលរួមពីថ្នាក់ដឹកនាំខេត្ត មន្រ្តីរាជការ និងតំណាងក្រុមហ៊ុនកូកា កូឡា បានចូលរួមផងដែរ។

      ឯកឧត្ដម បានឱ្យដឹងថា ការទទួលបានធុងសម្រាមនាថ្ងៃនេះ គឺបានបំផុស និងជំរុញសកម្មភាពបរិស្ថាននៅតាមទីសាធារណៈ ក៏ដូចជាលើកទឹកចិត្តឲ្យប្រជាពលរដ្ឋក៏ដូចជាមន្រ្តីរាជការចេះគ្រប់គ្រងសំរាមបានត្រឹមត្រូវ យល់ដឹងពីសារៈសំខាន់នៃការញែកសម្រាម និងចូលរួមអនុវត្តអនាម័យបរិស្ថានជាប្រចាំ។

      គួរបញ្ជាក់ថា គោលបំណងដែលក្រុមហ៊ុនសហការជាមួយរដ្ឋបាលខេត្តផ្សម្រាមដល់សាលាខេត្តនៅពេលនេះ ដើម្បីរួមចំណែកសម្រេចឲ្យបាននៅត្រឹមឆ្នាំ២០៣០ នូវគោលដៅ «ប្រមូល» និង«កែច្នៃ» ឲ្យបាន ៥០% នៃចំនួនសំបកវេចខ្ចប់សរុបដែលយើងបានប្រើប្រាស់។ គោលដៅចីរភាពមួយនេះ ជាគំនិតផ្តួចផ្តើមជាសកលរបស់ក្រុមហ៊ុនកូកា-កូឡាពិភពលោកសម្រាម ក្រោមគម្រោងឈ្មោះថា «ពិភពលោកគ្មានសំរាម» ដោយយើងចាប់ផ្តើមអនុវត្តនូវរូបមន្តសសរស្ដម្ភ ៣ គឺ «រចនា» «ប្រមូលកែច្នៃ» និង «ចាប់ដៃគូសហការ»៕

ប្រភព៖ រដ្ឋបាលខេត្តឧត្តរមានជ័យ