ពិព័រណ៍ការងារ និងមគ្គទេស៍អាជីព ចាប់ផ្តើមដំណើរនៅព្រឹកនេះ

ពិព័រណ៍ការងារ និងមគ្គទេសន៍អាជីព បានចាប់ផ្តើមបើកដំណើរការជាផ្លូវការហើយ ដោយ​មាន​រយៈ​ពេល ២ថ្ងៃជាប់គ្នា គឺ ថ្ងៃទី៩ និង១០ ខែឧសភា ឆ្នាំ២០២៤នេះ នៅអាគារ KAMPUS ជិត​ស្ពានអាកាសក្បាលថ្នល់។

តាមរយៈកម្មវិធីនេះ ក្រុមហ៊ុន សហគ្រាសធំៗចំនួន២០ បានប្រកាស​ចូលរួម​ថែម​ទាំង​ផ្តល់​ឱកាស​ការងារ​ភ្លាម​ៗសរុបចំនួន ៥,៤០០កន្លែងដល់យុវជន សិស្ស/និស្សិត និងអ្នកស្វែងរកការងារ។

ពិព័រណ៍ការងារ និងមគ្គទេសន៍អាជីព ឆ្នាំ២០២៤នេះដែរ រំពឹងថា នឹងទាក់ទាញយុវជន សិស្ស/​និស្សិត និងអ្នកស្វែងរកការងារធ្វើ រាប់ពាន់នាក់មកចូលរួមទស្សនា ស្វែង​យល់​អំពី​ទីផ្សារ​ការងារ​នៅ​កម្ពុជា និងដាក់ពាក្យសម្ភាសការងារភ្លាមៗជាមួយតំណាងក្រុមហ៊ុន សហគ្រាសធំៗចំនួន២០ ក្នុង​វិស័យផ្សេងៗគ្នា មានដូចជា វិស័យធនាគារ កសិកម្ម ទេសចរណ៍ សេវាកម្ម អចលនទ្រព្យ ផ្សារ និងវិស័យធនារ៉ាប់រង។ល៕