ឯកឧត្តម ខៀវ កាញារិទ្ធ បានអនុញ្ញាតឱ្យ ឯកឧត្តម នេត្រ ភត្ត្រា បេក្ខភាពរដ្ឋមន្ត្រីក្រសួងព័ត៌មាន អាណត្តិទី៧ ចូលជួបនិងសម្តែងការគួរសម

 

ឯកឧត្តម ខៀវ កាញារិទ្ធ បានអនុញ្ញាតឱ្យ ឯកឧត្តម នេត្រ ភត្ត្រា បេក្ខភាពរដ្ឋមន្ត្រីក្រសួងព័ត៌មាន អាណត្តិទី៧ ចូលជួបនិងសម្តែងការគួរសម

(ភ្នំពេញ)៖ នៅព្រឹកថ្ងៃទី១៦ ខែសីហា ឆ្នាំ២០២៣ ឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៌មាន អាណត្តិទី៦ បានអនុញ្ញាតឱ្យ ឯកឧត្តម នេត្រ ភត្ត្រា បេក្ខភាព រដ្ឋមន្ត្រីក្រសួងព័ត៌មាន អាណត្តិទី៧ ចូលជួបសម្តែងការគួរសម និងសុំអនុសាសន៍ ដើម្បីបន្តបំពេញបេសកកម្មការងារព័ត៌មានកាន់ល្អប្រសើរបន្ថែមទៀត។

ឯកឧត្តម រដ្ឋមន្រ្តី ខៀវ កាញារីទ្ធ បានធ្វើការណែនាំថ្នាក់ដឹកនាំអគ្គនាយកទាំង៥ ចំណុះឱ្យក្រសួងព័ត៌មាន និងជូនរបាយការណ៍ស្តីពីសមិទ្ធិផលការងារ៥ឆ្នាំ កន្លងមកនេះ ដែលក្រសួងព័ត៌មានសម្រេចបាន។

ឯកឧត្តម នេត្រ ភត្ត្រា បានគោរពអរគុណដល់ ឯកឧត្តម រដ្ឋមន្រ្តី ខៀវ កាញារីទ្ធ ដែលជាថ្នាក់ដឹកនាំចាស់ទុំពោរពេញទៅដោយបទពិសោធន៍ការងារជាច្រើន ធ្វើឱ្យវិស័យព័ត៌មាន និងសោតទស្សន៍ នៅកម្ពុជា មានការរីកចំរើនយ៉ាងល្អប្រសើរ។

ឯកឧត្តម នេត្រ ភត្ត្រា ដែលនឹងត្រូវកាន់តំណែងជា រដ្ឋមន្រ្តីក្រសួងព័ត៌មាន ក្នុងអាណត្តិទី៧ នៃរាជរដ្ឋាភិបាល ដឹកនាំដោយ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានជម្រាបជូនពីផែនការ និងសកម្មភាពសំខាន់ៗមួយចំនួន ដែលត្រូវធ្វើកំណែទម្រង់ ដើម្បីអនុវត្តន៍ការងារឱ្យកាន់តែមានប្រសិទ្ធិភាពខ្ពស់។

ឯកឧត្តម នេត្រ ភក្ត្រា នឹងរក្សាឱ្យបានល្អនូវអ្វីៗដែល ឯកឧត្តម ខៀវ កាញារីទ្ធ បានធ្វើក្នុងពេលកន្លងមក នឹងបានស្នើសុំ កិច្ចសហការ ការចូលរួមពី ឯកឧត្តម លោកជំទាវ និងមន្រ្តីរាជការ នៃក្រសួងព័ត៌មាន ទាំងអស់ត្រូវបន្តរួមគ្នាបំពេញ រាល់កិច្ចការងារតាមផ្នែក និងជំនាញ ហើយ ស្របតាមផែនការ ចក្ខុវិស័យដែលបានដាក់ចេញ ទើបយើងទទួលបានជោគជ័យ ហើយជោគជ័យនោះ គឺសម្រាប់យើងទាំងអស់គ្នា ព្រោះយើងជិះទូករួមគ្នាតែមួយ៕