ភ្នំពេញ៖ នៅព្រឹកថ្ងៃទី១០ ឧសភា ២០២២ នាយកដ្ឋានសុវត្ថិភាពនៃក្រុមហ៊ុន ជីប ម៉ុង បានរៀបចំវគ្គបណ្ដុះបណ្ដាលស្ដីពីសុវត្ថិភាពចរាចរណ៍ទោចក្រយានយន្តដល់បុគ្គលិក ជីប ម៉ុង នៅក្រុមហ៊ុន ខ្មែរ ប៊ែវើរីជីស ក្នុងគោលបំណងលើកកម្ពស់ការយល់ដឹងច្បាប់ស្តីពីចរាចរណ៍ផ្លូវគោក និងសុវត្ថិភាពតាមដងផ្លូវ។ កម្មវិធីបណ្ដុះបណ្ដាលនេះធ្វើឡើងក្រោមកិច្ចសហការជាមួយក្រុមហ៊ុន អិន ស៊ី អិច ហុងដា ក្នុងគោលដៅអប់រំបន្ថែមដល់បុគ្គលិក ជីប ម៉ុង ដែលជាម្ចាស់ទោចក្រយានយន្ត លើការយល់ដឹងពីសុវត្ថិភាពចរាចរណ៍ដូចជា បណ្ដុះបណ្ដាលច្បាប់ស្តីពីចរាចរណ៍ផ្លូវគោក សិទ្ធិអាទិភាពនៅផ្លូវប្រសព្វ ភ្លើងសញ្ញាចរាចរណ៍ និងសុវត្ថិភាពអ្នករួមដំណើរ ក៏ដូចជាពង្រឹងជំនាញបើកបរទោចក្រយានយន្តតាមរយៈការអនុវត្តផ្ទាល់ ចំណេះដឹងតំហែទាំយានជំនិះ និងការយល់ដឹងពីការអែបខាងប្រកបដោយសុវត្ថិភាព។ គួរបញ្ជាក់ផងដែរ សិក្ខាសាលានេះនឹងធ្វើឡើងរយៈពេល២ថ្ងៃជាប់គ្នាគឺ ថ្ងៃទី១០ និងទី១១ ខែឧសភា ឆ្នាំ២០២២។ ក្រុមហ៊ុន ជីប ម៉ុង តែងតែចូលរួមយ៉ាងសំខាន់ក្នុងការកាត់បន្ថយគ្រោះថ្នាក់ចរាចរណ៍ និងគិតគូរជាចម្បងលើសុខសុវត្ថិភាពរបស់បុគ្គលិក ក៏ដូចជាសុវត្ថិភាពចរាចរណ៍ និងប្រជាជនជាសាធារណៈ៕ អំពីក្រុមហ៊ុន៖ ក្រុមហ៊ុន ជីប ម៉ុង បង្កើតឡើងតាំងពីឆ្នាំ១៩៨២ បច្ចុប្បន្នគឺជាសាជីវកម្មឈានមុខគេមួយនៅកម្ពុជា ដែលរួមចំណែកយ៉ាងសំខាន់ដល់ការអភិវឌ្ឍប្រទេសកម្ពុជា។ ជីប ម៉ុង មានពាណិជ្ជកម្មចំនួន ១៣ ដែលកំពុងឈានមុខគេក្នុងវិស័យជាច្រើនដូចជា ការអភិវឌ្ឍអចលនទ្រព្យ សម្ភារសំណង់ ផ្សារទំនើប ភេសជ្ជៈ ធនាគារ សណ្ឋាគារ ព្រមទាំងមានដៃគូពាណិជ្ជកម្មជាច្រើនទៀតជុំវិញពិភពលោក។ ក្រុមហ៊ុនកំពុងបន្តពង្រីក និងបង្កើតពាណិជ្ជកម្មថ្មីៗជាបន្តបន្ទាប់ ដើម្បីសម្រេចបានចក្ខុវិស័យក្នុងការក្លាយជាក្រុមហ៊ុនខ្នាតធំដែលទទួលបានការគោរព និងសរសើរបំផុតក្នុងតំបន់។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeHA5QXc9PSIsImV4cCI6bnVsbCwicHVyIjoiYmxvYl9pZCJ9fQ==--7b4da77e8b37ab0c08ee3b511aa75cf583a3a65c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/3FD4BF3F-8C7F-4658-93B5-308DD31.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeGw5QXc9PSIsImV4cCI6bnVsbCwicHVyIjoiYmxvYl9pZCJ9fQ==--46097d42f81ed3f6e99f58bbff6467e880d487bc/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/00CED6B8-A318-46E9-A138-D13DC4D.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeGg5QXc9PSIsImV4cCI6bnVsbCwicHVyIjoiYmxvYl9pZCJ9fQ==--e4e66cc8f029cca0ee3892548e4415b4587dc5b4/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/AB796765-9817-40C5-A98A-11C4894.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeHQ5QXc9PSIsImV4cCI6bnVsbCwicHVyIjoiYmxvYl9pZCJ9fQ==--888c4225c8cb06b8a9572b8ea056998b294f568c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/84746614-AF23-4066-A25D-836FE0E.jpeg)
0 comments:
Post a Comment