ឯកឧត្តមឃួងស្រេងអភិបាលរាធានីភ្នំពេញ បានណែនាំដល់មន្រ្តីពន្ធដារនិងអាជ្ញាធរខណ្ឌទំាង១៤ ក្នុងភូមិសាស្រ្តរាជធានីភ្នំពេញត្រូវពង្រឹងកិច្ចសហការជាមួយគ្នាឱ្យបានល្អ ដើម្បីប្រសិទ្ធភាពនៃការប្រមូលពន្ធចូលថវិកាជាតិ សម្រាប់ជំរុញដល់ការអភិវឌ្ឍន៍នៅមូលដ្ឋាន។
ថ្លែងក្នុងពិធីប្រកាសភារកិច្ច និងតែងតំាងថ្នាក់ដឹកនាំសាខាពន្ធដារខណ្ឌ នៅរាជធានីភ្នំពេញ នា រសៀលថ្ងៃទី២៦ ខែមេសា នេះ ឯកឧត្តមឃួង ស្រេងអភិបាលរាជធានីភ្នំពេញបានមាន ប្រសាសន៍ថា ការប្រមូលពន្ធបានល្អត្រឹមត្រូវប្រកបដោយតម្លាភាព នឹងជំរុញដល់ប្រសិទ្ធភាពនៃការអភិវឌ្ឍន៍ជាតិ។ តាម រយៈនេះ ឯកឧត្តម បានណែនាំដល់មន្រ្តីខណ្ឌទំាង១៤ ត្រូវពង្រឹងកិច្ចសហការគ្នាឱ្យបានល្អក្នុងការដោះ ស្រាយរាល់បញ្ហាឆ្គាំឆ្គងដោយប្រការណាមួយនៅក្នុងពេលប្រមូលពន្ធឱ្យមានប្រសិទ្ធភាព ដើម្បីធានាដល់ ការប្រមូលពន្ធបានត្រឹមត្រូវ បង្កើនចំណូលចូលថវិកាជាតិ។
សំឡេង«លោក លោកស្រីអភិបាលខណ្ឌទំាង១៤ត្រូវយល់ឱ្យច្បាស់ថា ការប្រមូលពន្ធ អង្គភាពពន្ធដារប្រមូលពន្ធ គឺយកមកសម្រាប់ការអភិវឌ្ឍន៍ជូនប្រជាពលរដ្ឋ។ អ៊ីចឹងទេប្រសិនបើការ ប្រមូលពន្ធមានបញ្ហាឆ្គាំ ឆ្គងដោយប្រការណាមួយដោយមានការលើកឡើងពីប្រជាពលរដ្ឋនៅមូលដ្ឋានក្តីត្រូវរួមគ្នាដោះស្រាយ។ ពុំមែនការប្រមូលពន្ធជាកត្តាដោយឡែករបស់ពន្ធដារទេ។ អស់លោកលោកស្រីជាគណបញ្ជាការឯក ភាព ខណ្ឌទំាង១៤ យល់ឱ្យបានច្បាស់ថា ការប្រមូលពន្ធគឺដើម្បីទ្រទ្រង់ដល់ការអភិវឌ្ឍន៍ជាតិរបស់យើង ជាពិសេសគឺចំណូល ពន្ធសម្រាប់រាជធានីភ្នំពេញ គឺសម្រាប់ប្រមូលយកមកអភិវឌ្ឍ នៅរាជធានីភ្នំពេញ ពុំមែនគាត់យកទៅចាយខ្លួនគាត់ទេ អ៊ីចឹងកិច្ចការទំាងឡាយទំាងពួងត្រូវតែមានវិធីសាស្រ្តក្នុងការធ្វើការ»។
នៅក្នុងឱកាសនោះដែរឯកឧត្តមអភិបាល ក៏បានណែនាំដល់ប្រធានពន្ធដារខណ្ឌថ្មីដែលទើបតែងតំាងថ្មីត្រូវបំពេញស្នាដៃការងារក្នុងភារកិច្ចទទួលខុសត្រូវក្នុងតួនាទីរបស់ខ្លួនឱ្យបានល្អ សំដៅការប្រមូលចំណូលពន្ធកាន់តែមានប្រសិទ្ធភាព។ បន្ថែមពីនេះទៀតត្រូវតែគោរពឱ្យបាន ម៉ឺងម៉ាត់តាមស្តង់ដារសេវាសាធារណៈ នីតិវិធីពេលវេលា និងកម្រៃសេវាដែលច្បាប់បានកំណត់ ស្របតាមគោលការណ៍ធ្វើឱ្យបានធ្វើឱ្យលឿនប្រកបដោយតម្លាភាព។
ឯកឧត្តមគង់ វិបុល រដ្ឋមន្រ្តីប្រតិភូអមនាយករដ្ឋមន្រ្តី និងជាប្រតិភូរាជរដ្ឋាភិបាលទួលបន្ទុកជា អគ្គនាយក នៃអគ្គនាយកដ្ឋានពន្ធដារ បានគាំទ្រចំពោះការពង្រឹងកិច្ចសហការរវាងមន្រ្តីខណ្ឌនិងមន្រ្តីពន្ធដារដែលជាកិច្ចការដ៏សំខាន់ក្នុងដំណើរការប្រមូលពន្ធប្រកបដោយប្រសិទ្ធភាព ប្រមូលពន្ធបានច្រើន ដើម្បីឱ្យរាជធានីភ្នំពេញកាន់តែមានថវិកាច្រើនសម្រាប់ការអភិវឌ្ឍន៍នៅមូលដ្ឋាន។
ឯកឧត្តមបានបញ្ជាក់ថា កិច្ចសហការគ្នានេះ នឹងបង្កើតឱ្យមានជាប្រព័ន្ធធ្វើការផ្លូវការមួយ ដើម្បីធានា ប្រសិទ្ធភាពក្នុងការដោះស្រាយរាល់បញ្ហាផ្សេងៗ លើការប្រមូលពន្ធគ្រប់ប្រភេទនៅមូលដ្ឋាន ពិសេសគឺការប្រមូលពន្ធអចលនទ្រព្យ ពន្ធលើប្រាក់ចំណេញ ឬពន្ធលើមធ្យោបាយយានយន្តជាដើម ដែលសកម្មភាព នេះនឹងឈានទៅដល់ការលុបបំបាត់ការប្រមូលពន្ធមិនត្រឹមត្រូវ ដែលធ្វើឱ្យប៉ះពាល់ដល់ចំណូលជាតិ។
សូមបញ្ជាក់ថា ក្នុងពិធីប្រកាសភារកិច្ច និងតែងតំាងថ្នាក់ដឹកនាំសាខាពន្ធដារខណ្ឌនៅរាជធានីភ្នំពេញ នារសៀលថ្ងៃទី២៦ ខែមេសានេះ មានចំនួន៦សាខារួមមាន សាខាពន្ធដារខណ្ឌមានជ័យ ខណ្ឌ៧មករា ខណ្ឌទួលគោក ខណ្ឌឬស្សីកែវ ខណ្ឌពោធិសែនជ័យ និងសាខាពន្ធដារខណ្ឌដង្កោ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNjl3QXc9PSIsImV4cCI6bnVsbCwicHVyIjoiYmxvYl9pZCJ9fQ==--3c5169f71aa98ce6ca50e4b55291ed7ba9b2da3c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/56B93400-2057-41BE-9C8C-66E85E0.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBN0Z3QXc9PSIsImV4cCI6bnVsbCwicHVyIjoiYmxvYl9pZCJ9fQ==--726c402e7ba5ecbfc6214ecebf1c30f6dade4b9f/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/ED9E8996-3C16-43AA-871D-8637191.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBN053QXc9PSIsImV4cCI6bnVsbCwicHVyIjoiYmxvYl9pZCJ9fQ==--4978aa4428c9dc6df7740b08e7cda496556b593b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/7D0BA996-BE0E-4157-A488-C4B4FF3.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBN1J3QXc9PSIsImV4cCI6bnVsbCwicHVyIjoiYmxvYl9pZCJ9fQ==--4db6f774af9b2970cdf718481119584546f8af2b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/DF836CC6-D7F7-4A78-A784-06B30C8.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBN0p3QXc9PSIsImV4cCI6bnVsbCwicHVyIjoiYmxvYl9pZCJ9fQ==--05f74bd50c3beda3a3d51dd59cf45cf51032f757/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/3DB8D068-F30A-420F-85AC-8D1ED89.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBN0J3QXc9PSIsImV4cCI6bnVsbCwicHVyIjoiYmxvYl9pZCJ9fQ==--fbce4d00407465f873887a5230a3fa608701958c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/AE1FFD00-C9D5-494A-96B7-F00B75B.jpeg)
0 comments:
Post a Comment