អញ្ជើញ និងនិមន្តបើកវិញ្ញាសាប្រឡងដោយព្រះរតនមុនីញាណ កែវ មុនី ព្រះរាជាគណៈថ្នាក់កិត្តិយសព្រះធម្មធរគណៈខេត្តកំពង់ឆ្នាំង ដោយមានការចូលរួមពីលោក សែម ផុន ប្រធានប្រតិភូ នៃក្រសួងធម្មការ និងសាសនា មន្ទីរអង្គភាពជុំវិញខេត្ត មន្ត្រីរាជការរដ្ឋបាលសាលាខេត្ត ព្រមទាំងសមណសិស្សសរុបចំនួន ២១៧អង្គ/នាក់ ក្នុងនោះមានបេក្ខជនមកពីខេត្តពោធិ៍សាត់ ១១៧អង្គ/នាក់ ផងដែរ។
ព្រះរតនមុនីញាណ កែវ មុនី មានសង្ឃដីកាថា ការប្រឡងចូលរៀនពុទ្ធិកអនុវិទ្យាល័យឆ្នាំសិក្សា២០២២-២០២៣ សម្រាប់សមណសិស្សទាំងអស់នាថ្ងៃនេះ គឺជាការវាស់ស្ទង់នូវចំណេះដឹង ដែលព្រះថេរានុថេរៈគ្រប់ព្រះអង្គ និងគ្រហស្ថមួយចំនួន ដែលបានខិតខំសិក្សារៀនសូត្រកន្លងមក និងដើម្បីសិក្សាបន្តនូវកម្រិតថ្នាក់បន្តទៀត។
ព្រះអង្គបានបន្តថា ដើម្បីចូលរួមថែរក្សាវិស័យព្រះពុទ្ធសាសនា ជាសាសនារបស់រដ្ឋ គប្បីអ្នកប្រតិបត្តិទាំងអស់ ត្រូវប្រកាន់ខ្ជាប់នូវក្បួនច្បាប់ធម៌វិន័យឱ្យបានត្រឹមត្រូវ និងចូលរួមអភិវឌ្ឍន៍ប្រទេសជាតិ ក្រោមដំបូលប្រទេសជាតិមានសុខសន្តិភាព និងក្រោមការដឹកនាំដ៏ឈ្លាសវៃរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ព្រះអង្គបានមានសង្ឃដីកាបន្តទៀតថា ការប្រឡងចូលរៀនមធ្យមសិក្សាបឋមភូមិឆ្នាំសិក្សា២០២២-២០២៣ ត្រូវអនុវត្តន៍ឱ្យស្របតាមគោលការណ៍របស់ក្រសួងធម្មការ និង សាសនាបានណែនាំ ដើម្បីធានារក្សាឱ្យបានការប្រឡងនេះ ប្រព្រឹត្តទៅដោយរលូន ប្រកប ដោយសន្តិសុខ សណ្ដាប់ធ្នាប់ និង សុវត្ថិភាព តម្លាភាព ប្រសិទ្ធភាព និង យុត្តិធម៌ សម្រាប់បេក្ខជនដែលសមណសិស្ស-សិស្សទាំងអស់មានសមត្ថភាពផ្ទាល់ខ្លួនគឺជាប់។
ព្រះរតនមុនីញាណ កែវ មុនី បានមានសង្ឃដីកាផ្តាំផ្ញើដល់គណៈកម្មការគ្រប់គ្រងការប្រឡង និងសមណសិស្ស-សិស្ស ដែលមកប្រឡងទាំងអស់ ត្រូវអនុវត្តន៍ឱ្យបាននូវវិធានការរបស់ក្រសួងសុខាភិបាល និង អនុវត្តន៍តាមអនុសាសន៍របស់សម្តេចប្រមុខរាជរដ្ឋាភិបាល គឺ៣ការពារ និង ៣កុំ ឱ្យបានជាប់ជាប្រចាំ ដើម្បីខ្លួនយើង អ្នកជិតខាងយើង និង សហគមន៍យើងចៀសផុតពីការឆ្លងជំងឺកូវីដ-១៩ បំប្លែងថ្មី អូមីក្រុង។
ព្រះអង្គបានឱ្យដឹងទៀតថា ការប្រឡងចូលរៀនមធ្យមសិក្សាបឋមភូមិឆ្នាំនេះ មាន១មណ្ឌល ស្មើនឹង៩បន្ទប់ សមណសិស្ស-សិស្សសរុបចំនួន ២១៧អង្គ/នាក់ ។ ក្នុងនោះបេក្ខជនមកពីខេត្តពោធិ៍សាត់ចំនួន ១១៧អង្គ/នាក់ និងខេត្តកំពង់ឆ្នាំងចំនួន ១០០អង្គ/នាក់។ ប្រឡងលើវិញ្ញាសាចំនួន០៤ គឺភាសាបាលី សរសេរតាមអាន ព្រះវិន័យ និងគណិតវិទ្យា៕ ដោយ បៃ ស៊ីថុន សម្រួលផ្សាយដោយ៖ dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBekJMQXc9PSIsImV4cCI6bnVsbCwicHVyIjoiYmxvYl9pZCJ9fQ==--cea5c5d52a2fa17a360f97d80917d6e308517a97/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-16_09-10-50.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeTFMQXc9PSIsImV4cCI6bnVsbCwicHVyIjoiYmxvYl9pZCJ9fQ==--a06ad3707db2dfd879b4c72f9ea77a60ec7a6684/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-16_09-10-40.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeTVMQXc9PSIsImV4cCI6bnVsbCwicHVyIjoiYmxvYl9pZCJ9fQ==--b87a17ec492c5a213de531b0b8b02f44de8c8ab1/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-16_09-10-43.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeTlMQXc9PSIsImV4cCI6bnVsbCwicHVyIjoiYmxvYl9pZCJ9fQ==--b97a1bdeed497aeac0b121b28c92d0234e0a37d8/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-16_09-10-46.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBekZMQXc9PSIsImV4cCI6bnVsbCwicHVyIjoiYmxvYl9pZCJ9fQ==--ec4ca78f0bb4537cdec6673f9c0b21ff589f6865/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-16_09-10-54.jpg)
0 comments:
Post a Comment