(កំពង់ធំ) ៖ ឯកឧត្តម ជា ចាន់តូ សមាជិកអចិន្ត្រៃយ៍នៃគណៈកម្មាធិការកណ្ដាលគណបក្សប្រជាជនកម្ពុជា ទេសាភិបាលធនាគារជាតិកម្ពុជានិងជាប្រធានក្រុមការងារគណបក្សចុះមូលដ្ឋានខេត្តកំពង់ធំនិងលោកជំទាវ ខៀវ ស៊ីណា ជា ចាន់តូ បានអញ្ជើញជាអធិបតីក្នុងពិធីសម្ពោធសមិទ្ធិផលនានាក្នុងវត្តធម្មនាថស្ថិត នៅក្នុងឃុំតាំងក្រសាំងស្រុកសន្ទុកខេត្តកំពង់ធំនាថ្ងៃទី១៧ ខែមីនា ឆ្នាំ២០២២ ។ កម្មវិធីនេះមាន ការអញ្ជើញចូលរួមពីព្រះសង្ឃ សមាជិកព្រឹទ្ធសភា រដ្ឋសភា មន្ត្រីរាជការកងកម្លាំង សិស្សានុសិស្សជាច្រើនផងដែរ ។
មានប្រសាសន៍សំណេះសំណាលនាឱកាសនោះ ឯកឧត្តមបណ្ឌិត ជា ចាន់តូ បានចូលរួមអបអរសាទរចំពោះសមិទ្ធផលជាច្រើនដែលមានការអភិវឌ្ឍរីកចម្រើនជាលំដាប់ទាំងផ្នែក ពុទ្ធចក្រនិងអាណាចក្រ រួមទាំងការកសាងហេដ្ឋារចនាសម្ព័ន្ធនានាជាច្រើនផ្សេងទៀត ។
ឯកឧត្តមបន្ដថា សមិទ្ធិផលទាំងនេះ បានបង្ហាញអោយឃើញអំពីកត្ដានៃសុខសន្ដិភាព ក្រោមការដឹកនាំប្រកបដោយគត្តិបណ្ឌិតរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលសម្ដចបានខិតខំកសាងប្រទេសតាំងពីចំណុចសូន្យរហូតដល់ប្រទេសជាតិមានការអភិវឌ្ឍរីចំរើនមកទល់នឹងបច្ចុប្បន្នេះ ។
រីឯសមិទ្ធផលដែលកំពុងមាននៅទីនេះ គឹដោយមានការចូលរួមរបស់ព្រះតេជគុណព្រះសង្ឃ ប្រជាពលរដ្ឋគ្រប់ស្រទាប់វណ្ណៈ ក៏ដូចជាបងប្អូនប្រជាពលខ្មែរដែលរស់នៅក្រៅប្រទេសផងដែរ ។ ទន្ទឹមនិងនោះ ឯកឧត្តម ក៏បានស្នើដល់អាជ្ញាធរគ្រប់លំដាប់ថ្នាក់ និងបងប្អូនប្រជាពលរដ្ឋ ទាំងអស់ សូមជួយែថែរក្សានូវសមិទ្ធិផលដែលទើបនិងកសាងឡើងថ្មីនេះ អោយនៅស្ថិតស្ថេរគង់វង្សតទៅថ្ងៃមុខសម្រាប់កូនចៅយើងជំនាន់ក្រោយ ។
ឯកឧត្តមបណ្ឌិតមានប្រសាសន៍បន្តថា ក្នុង រយៈ ពេលជាង០២ឆ្នាំកន្លងមកនេះជំងឺកូវីដ-១៩ បានរាតត្បាតជាសាកល និងបំផ្លាញសុខភាពមនុស្សរាប់រយលាននាក់និងសម្លាប់មនុស្សរាប់លាននាក់នៅលើពិភពលោកសូម្បីតែបុណ្យសព្វក៏មិនអាចរៀបចំតាមប្រពៃណីទំនៀមទម្លាប់សាសនាបានឡើយ ។ ចំណែកនៅកម្ពុជាយើង ក៏បានទទួលរងនូវសោដនាដកម្មនេះដែរ ។ ប៉ុនតែដោយសារភាពឈ្លាសវៃក្នុងការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជជាណាចក្រកម្ពុជាមានទស្សនវិស័យឈ្លាសវៃក្នុងការប្រឈមដោះស្រាយបាននូវស្ថានការណ៍ទាំងនោះ អោយវិលមករកភាពប្រក្រតី និងការបើកប្រទេសឡើងវិញលើគ្រប់វិស័យ ។
ឯកឧត្តមបណ្ឌិតបានបន្ដថា ក្នុងរយៈពេលជាង ៤០ ឆ្នាំកន្លងមកនេះ គណបក្សប្រជាជនកម្ពុជាបានដឹកនាំប្រទេសដោយឈានចេញពីការសង្គ្រោះជាតិនិងប្រជាជនចេញពីរបបប្ល័យពូជសាសន៍ ប៉ុល ពត ចេញពីគំនរផេះផង់និងការការពារការវិលត្រលប់នៃរបបខ្មែរក្រហម, ការបញ្ចប់ទាំងស្រុងនូវសង្គ្រាមរ៉ាំរ៉ៃសម្រេចបាននូវសន្តិភាព ឯកភាពជាតិ ឯកភាពទឹកដី ទាំងនេះគឺជាសមិទ្ធិផលរួមរបស់ប្រជាជនកម្ពុជាយើងដែលបានរួមសាមគ្គីគ្នាកសាងប្រទេសឡើងវិញជាមួយរាជរដ្ឋាភិបាលក្នុងរយៈពេល៤៣ឆ្នាំកន្លងមក ។
នាឱកាសនោះដែរ ឯកឧត្តម ក៏បានថ្លែងអំណរគុណដល់អាជ្ញាធរដែនដីគ្រប់លំដាប់ថ្នាក់និងសប្បុរសជនទាំងអស់ដែលបានចូលរួម ចំណែកជួយឧបត្ថម្ភគាំទ្រក្នុងវិស័យព្រះពុទ្ធសាសនាឱ្យមានការអភិវឌ្ឍរីកចម្រើនរុងរឿង ហើយនៅពេលនេះបានចូលរួម ចំណែកផ្តល់ថវិកាជាវិភាគទានជួយកសាងអគារសាលាពុទ្ធិកវត្តធម្មនាថមួយនេះសម្រាប់បណ្តុះបណ្តាលធនធានដល់ព្រះសង្ឃដែលបានរួមចំណែកបង្កើននិងពង្រឹងតម្លៃនិងគុណភាពនៃព្រះពុទ្ធសាសនានៅកម្ពុជា ជាពិសេសបានផ្តល់ឱកាស សម្រាប់សមណសិស្សទាំងអស់ដើម្បីបានសិក្សារៀនសូត្រ ថែមទៀតផង ។
ក្នុងពិធីនេះឯកឧត្តមនិងលោកជំទាវរួមទាំងក្រុមការងារបានធ្វើពិធីរាប់បាត្រព្រះសង្ឃជាង១០០អង្គផងដែរ ៕ដោយ៖ មន្ទីរព័ត៌មានខេត្តកំពង់ធំ សម្រួលផ្សាយដោយ៖ dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBelpPQXc9PSIsImV4cCI6bnVsbCwicHVyIjoiYmxvYl9pZCJ9fQ==--4241f2c09a572d5cab614d3c11983d2dd94d9564/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-18_06-24-30%20(4).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBemhPQXc9PSIsImV4cCI6bnVsbCwicHVyIjoiYmxvYl9pZCJ9fQ==--ef0ec952062c011bfbf121d2d8607bfae9c63ed7/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/photo_2022-03-18_06-24-30%20(5).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBemxPQXc9PSIsImV4cCI6bnVsbCwicHVyIjoiYmxvYl9pZCJ9fQ==--34832cb47397522c22c322bf97f8be841da54250/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/photo_2022-03-18_06-24-30%20(3).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBelZPQXc9PSIsImV4cCI6bnVsbCwicHVyIjoiYmxvYl9pZCJ9fQ==--a06c3c39f7e0239fe43a1034ff60aa780c616aec/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-18_06-24-30.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBelJPQXc9PSIsImV4cCI6bnVsbCwicHVyIjoiYmxvYl9pZCJ9fQ==--47750c085771c53a300f7fe150b9f60dd12a5697/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-18_06-24-30%20(2).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBemRPQXc9PSIsImV4cCI6bnVsbCwicHVyIjoiYmxvYl9pZCJ9fQ==--7eb95760d4a405b6f713b2574978d330074e4369/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-18_06-24-31.jpg)
0 comments:
Post a Comment