បន្ទាយមានជ័យ ៖ កម្មវិធីផ្តល់សាច់ប្រាក់សម្រាប់ការឆ្លើយតបសង្គ្រោះបន្ទាន់គ្រោះមហន្តរាយទឹកជំនន់របស់កម្មវិធីស្បៀងអាហារពិភពលោក(WFP) បានចាប់ផ្តើមហើយនៅខេត្តបន្ទាយមានជ័យ ដោយកម្មវិធីជំនួយមនុស្សធម័នោះបានការឧបត្ថម្ភពីទីភ្នាក់ងារកិច្ចសហប្រតិបត្តិអាល្លឺម៉ង់ (GIZ) និងទីភ្នាក់ងារអភិវឌ្ឍន៍អន្តរជាតិសហរដ្ឋអាមេរិក(USAID)។
ពីធីបើកដំណើរការនោះ ធ្វើនៅផ្លូវជាតិលេខ៥ វាងក្រុង នាឃុំបត់ត្រង់ស្រុកមង្គលបូរី កាលពីព្រឹកថ្ងៃទី១៩ខែតុលាឆ្នាំ ២០២១ ដោយអញ្ជើញជាអធិបតីដោយលោក អ៊ុ រាត្រី អភិបាលខេត្តបន្ទាយមានជ័យ លោកស្រីក្លែ ខន់នែន (Mrs Claire Conan) តំណាងប្រចាំកម្ពុជានៃកម្មវិធីស្បៀងអាហារពិភព និង មន្ត្រីពាក់ព័ន្ធ ។
លោក រ័ត្ន ដាស៊ីណង់.អភិបាលស្រុកមង្គលបូរីបានអោយដឹងថា: ស្រុកមង្គលបូរីរងគ្រោះដោយទឹកជំនន់ស្ទើររាល់ឆ្នាំ ហើយឆ្នាំនេះ នៅផ្នែកនៃ៦៦ភូមិលើទាំង១៣ឃុំនៃស្រុកបានរងគ្រោះដោយទឹកជំនន់និងជំនន់ទឹកភ្លៀងជាថ្មី ដែលប៉ះពាល់សរុប២.៨២១គ្រួសារ ស្លាប់៣នាក់ ជម្លៀសមកទួលសុវត្ថិភាព ៣០៩គ្រួសារ ។ គ្រោះទឹកជំនន់នេះបង្កប៉ះពាល់ដំណាំស្រូវ៨.១៩៥ហិចតា ដំណាំរួមផ្សំ២៨ហិចតា សត្វពាហនះ១៦១ក្បាល សាលារៀន១៦ វត្ត៣ មណ្ឌលសុខភាព១ និងទឹកហូរកាត់ផ្លូវ១៣១ខ្សែ ប្រវែង៧៤.៥៣០ម៉ែត្រ ។
លោកស្រីក្លែរ ខន់ណែន មានប្រសាសន៍ថា សម្រាប់ឆ្លើយតបគ្រោះមហន្តរាយទឹកជំនន់ នៅបណ្តាឆ្នាំចុងក្រោយនេះ កម្មវិធីបានស្ថាបនាទីទួលសុវត្ថិភាព ៦ , បានកសាងប្រព័ន្ធសម្រាប់រាយការណ៍ពីគ្រោះអាសន្ន បានសហការជាមួយអាជ្ញាធររាជរដ្ឋាភិបាលកម្ពុជាលើគម្រោងផ្តល់សាច់ប្រាក់ជូនពលរដ្ឋក្រីក្រនិងពលរដ្ឋរងគ្រោះ។
លោកស្រីក្លែរ បានថ្លែងបន្តថា ពីរឆ្នាំមកនេះ ដោយទទួលមូលនិធីពីទីភ្នាក់ងារកិច្ចសហប្រតិបត្តិអាល្លឺម៉ង់ និងទីភ្នាក់ងារអភិវឌ្ឍន៍អន្តរជាតិសហរដ្ឋអាមេរិក កម្មវិធីបានផ្តល់សាច់ប្រាក់សម្រាប់ឆ្លើយតបសង្គ្រោះបន្ទាន់គ្រោះមហន្តរាយទឹកជំនន់នៅខេត្តមួយចំនួន ។
លោកស្រីបន្តថា :ដោយឡែកនៅខេត្តបន្ទាយមានជ័យ កម្មវិធីបានសហប្រតិបត្តិការជាមួយគណៈ:កម្មាធិការជាតិគ្រប់គ្រប់គ្រងគ្រោះមហន្តរាយ និងអាជ្ញាធរខេត្ត ហើយអោយដៃគូក្នុងការចុះសម្ភាស ស្រង់ទិន្នន័យ បង្កើតគណនីជូនពលរដ្ឋក្រីក្រ ហើយរងគ្រោះដោយគ្រោះធម្មជាតិទឹកជំនន់ រងផលប៉ះពាល់ពីការីករាលដាលនៃជម្ងឺកូវីដ១៩ មួយចំនួន នៅ៣០០ភូមិ ៦៥ឃុំ សង្កាត់នៃ៩ស្រុកក្រុងក្នុងខេត្ត។.
ហើយនឹងចាប់ផ្តើមផ្ទេរជាសាច់ប្រាក់ចូលគណនីពលរដ្ឋពីថ្ងៃនេះតទៅ ដើម្បីសម្រួលជីវភាពបងប្អូនក្នុងរយះពេលខ្លីក្នុងអំឡុងពេលដែលជួបការលំបាក មកនអាចប្រកបរបររកស៊ីឬរកចំណូលដូចធម្មតាបាន ។
លោកអ៊ុ រាត្រី បានមានប្រសាសន៍ថា ពលរដ្ឋក្នុងខេត្តនេះបានរងគ្រោះទ្វេរគ្រោះពីផលប៉ះពាល់នៃការរីករាលដាលជម្ងឺកូវីដ១៩និង បន្តរងគ្រោះដោយទឹកជំនន់ទៀត ប៉ុន្តែ ជាការឆ្លើយតប ប្រមុខរាជរដ្ឋាភិបាលសម្តេចតេជោហ៊ុន សែន និងក្រសួង ស្ថាប័ន អាជ្ញាធរ មន្ត្រី កងកម្លាំង ក្រុមការងារបានយកចិត្តទុកដាក់ ដោះស្រាយយ៉ាងមានប្រសិទ្ធភាទាំងលើការបង្ការទប់ស្កាត់ការឆ្លង ការចាក់វ៉ាក់សាំងស្រោច ការពិនិត្យថែទាំ ព្យាបាល និងការផ្តល់ម្ហូបអាហារដល់អ្នករងផលប៉ះពាល់និងអ្នកជម្ងឺ ។
លោកអ៊ុ រាត្រី បានបន្តថា :ចំពោះគ្រោះមហន្តរាយទឹកជំនន់ដែលបង្ក បម្រែបម្រួលអាកាសធាតុ ខេត្តនេះក៏បានរងគ្រោះស្ទើររាល់ឆ្នាំ ៕
0 comments:
Post a Comment