អភិបាលខេត្តកែប អញ្ជើញជួបពិភាក្សាការងារជាមួយឯកអគ្គរដ្ឋទូតសហរដ្ឋអាមេរិកប្រចាំកម្ពុជា
ឯកឧត្ដម ប៉ាទ្រីក ម័រហ្វី ឯកអគ្គរដ្ឋទូតសហរដ្ឋអាមេរិកប្រចាំកម្ពុជា បានបញ្ជាក់ថា ឯកឧត្ដម មកទស្សនកិច្ចខេត្តកែប និងជួបពិភាក្សាជាមួយ ឯកឧត្ដម អភិបាលខេត្ត នាពេលនេះ ដើម្បីស្វែងយល់អំពីការងារគ្រប់គ្រង និងការទប់ស្កាត់ការឆ្លងរីករាល នៃជំងឺកូវីដ-១៩ ក៏ដូចជា ស្វែងយល់អំពីសក្តានុពល និងការងារអភិវឌ្ឍន៍ នៅក្នុងខេត្តកែប ។ ឯកឧត្ដម បន្តថា បន្ទាប់ពីការជួបពិភាក្សាការងារជាមួយ ឯកឧត្ដម អភិបាលខេត្តកែប ដោយផ្ទាល់ រួមជាមួយនិងការស្វែងយល់ អំពីស្ថានភាពជាក់ស្ដែង ឯកឧត្ដមបានយល់ដឹងកាន់តែច្បាស់ អំពីប្រវត្តិសាស្ត្រ និងប្រពៃណី ក៏ដូចជា បញ្ហាប្រឈមនានា នៅក្នុងខេត្តផងដែរ និជំរុញកិច្ចសហប្រតិបត្តិការ រវាងស្ថានទូតអាមេរិក និងខេត្តកែប ឱ្យកាន់តែប្រសើរឡើងថែមទៀត ។
ឯកឧត្តមឯកអគ្គរដ្ឋទូត បានបញ្ជាក់បន្ថែមថា សហរដ្ឋអាមេរិក បានផ្តល់ថវិកាមួយផ្នែក ដល់យន្តការកូវ៉ាក់ ។ ជាក់ស្ដែងនាពេលថ្មីៗនេះ ប្រធានាធិបតីសហរដ្ឋអាមេរិក បានប្រកាសផ្ដល់ជំនួយវ៉ាក់សាំងបង្ការជំងឺកូវីដ-១៩ ដោយផ្ទាល់ ទៅកាន់ពិភពលោក ដែលក្នុងនោះប្រទេសកម្ពុជា គឺជាគោលដៅមួយផងដែរ ក្រៅពីនោះ ក៏មានយន្តការជំនួយទាក់ទងជាមួយវិស័យសុខាភិបាល វិស័យអប់រំ និងកសិកម្មជាដើម៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL2ZZQWc9PSIsImV4cCI6bnVsbCwicHVyIjoiYmxvYl9pZCJ9fQ==--add439e43ae5a3950abf1eb9ca5976993531b617/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/C5FD2334-6D05-4A91-9E3D-B896865.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL2JZQWc9PSIsImV4cCI6bnVsbCwicHVyIjoiYmxvYl9pZCJ9fQ==--b1bb4da013286617e1e9e49c9fe432d8a04ef76b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/4FD0922B-9891-4E6F-889E-9871AE2.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBL1hZQWc9PSIsImV4cCI6bnVsbCwicHVyIjoiYmxvYl9pZCJ9fQ==--347f1be81da7006778362d17edc5fa44f8bae11e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/3275451C-58A9-4AC8-983F-F592F06.jpeg)
ប្រភព៖(មន្ទីរព័ត៌មានខេត្តកែប)សម្រួលដោយ:ដារ៉ា
0 comments:
Post a Comment