![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMERCQWc9PSIsImV4cCI6bnVsbCwicHVyIjoiYmxvYl9pZCJ9fQ==--12fdaccc93c63e748d5fa9dfc53ab232a8b6de1d/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/1A88193A-ADA6-4794-A866-BDB22F8.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBei9CQWc9PSIsImV4cCI6bnVsbCwicHVyIjoiYmxvYl9pZCJ9fQ==--454de1f314b707d52002e5d06ed3eafa893f6fad/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/A2A54E50-4D84-4E74-8B3F-D45AACA.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMEhCQWc9PSIsImV4cCI6bnVsbCwicHVyIjoiYmxvYl9pZCJ9fQ==--206845f0e2dd3724d2b739191e033e312e23b4af/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/DA7D11F2-B06D-4DBB-AAC9-2DDE011.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMFBCQWc9PSIsImV4cCI6bnVsbCwicHVyIjoiYmxvYl9pZCJ9fQ==--aea941c8ffa2cd1f76534c3b568690d5dd123b9f/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/64DB1DE8-6537-4D2B-9C3A-B1E1D6D.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMExCQWc9PSIsImV4cCI6bnVsbCwicHVyIjoiYmxvYl9pZCJ9fQ==--d1f25d586661096fe2df93367f849fe165970926/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/EA7342B4-A586-424B-B329-893A801.jpeg)
នៅព្រឹកថ្ងៃទី១៨ ខែកញ្ញា ឆ្នាំ២០២១ នេះ ឯកឧត្តម សោម ពិសិដ្ឋ អភិបាលនៃគណៈអភិបាលខេត្តកែប និងលោកជំទាវ បានអញ្ចើញចុះពិនិត្យដំណើរការចាក់វ៉ាក់សាំងបង្ការជំងឺកូវីដ-១៩ ជូនដល់កុមារអាយុចាប់ពី ៦ឆ្នាំ ដល់ក្រោម ១២ឆ្នាំ ដែលដំណើរការនៃការចាក់វ៉ាក់សាំងនេះធ្វើឡើងនៅបរិវេណសាលាក្រុងកែប និងសាលាស្រុកដំណាក់ចង្អើរ ខេត្តកែប។
ក្នុងដំណើរចុះពិនិត្យការចាក់វ៉ាក់សាំងនាឱកាសនោះ ឯកឧត្ដម សោម ពិសិដ្ឋ មានប្រសាសន៍ថា ការចាក់វ៉ាក់សាំងនេះពិតជាមាន សារសំខាន់ខ្លាំងណាស់សម្រាប់កុមាររបស់យើង ព្រោះថាវ៉ាក់សាំងទាំងនេះអាចជួយការពារកុមារពីជំងឺកូវីដ-១៩ ដោយបានបង្កើតភាពសាំុ ក្នុងអំឡុងពេលដែលកូនកូនរបស់បងប្អូនចាប់ផ្ដើមការសិក្សានៅសាលារៀន ឬទៅប្រាស្រ័យទាក់ទងជាមួយកុមារដទៃទៀតជាការកាត់ បន្ថយនូវការឆ្លងនៃជំងឺកូវីដ-១៩ នៅត្រឹមកម្រិតទាបបំផុត។
ឯកឧត្តម បានបន្ថែមទៀតថា គុណភាពនៃវ៉ាក់សាំងដែលរាជរដ្ឋាភិបាល និងក្រសួងសុខាភិបាល បានផ្ដល់ជូនសម្រាប់ចាក់ តាំងពីចាប់ផ្តើមដំបូងរហូតដល់ពេលនេះ គឺមានគុណភាពល្អ និងមានប្រសិទ្ធភាព ដូច្នេះហើយសូមឱ្យបងប្អូនទាំងអស់ មានការ ជឿជាក់លើរាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង ក្រសួងសុខាភិបាល ដែលបានគិតគូរខ្ពស់ដល់សុខុមាលភាពរបស់បងប្អូនប្រជាពលរដ្ឋរបស់យើងគ្រប់ពេលវេលា និងបន្តផ្សព្វផ្សាយ ឱ្យបងប្អូនប្រជាពលរដ្ឋរបស់យើងនាំកូនៗមកទទួលវ៉ាក់សាំងឱ្យបានគ្រប់គ្នាចាប់ពីពេលនេះតទៅ។
ឯកឧត្តម ក៏បានផ្ដាំផ្ញើដល់បងប្អូនដែលជាមាតាបិតារបស់កុមារទាំងអស់ ដែលបានចាក់វ៉ាក់សាំងបង្ការជំងឺកូវីដ-១៩ រួចហើយ ត្រូវយកចិត្តទុកដាក់អនុវត្តនូវវិធានការ ៣ការពារ ៣កុំ តាមអនុសាសន៍របស់ប្រមុខរាជរដ្ឋាភិបាល ព្រមទាំងវិធានការផ្សេងៗ ដែលបានដាក់ចេញដោយក្រសួងសុខាភិបាល និងរដ្ឋបាលខេត្តកែប ឱ្យបានជាប្រចាំ។
ឆ្លៀតក្នុងឱកាសនោះដែរ ឯកឧត្តម អភិបាលខេត្ត ក៏បានឧបត្ថម្ភនូវសម្ភារ ភេសជ្ជៈ ជូនដល់ក្រុមការងារប្រចាំការនៅទីតាំងចាក់វ៉ាក់សាំង ចំនួន២ទីតាំង ដោយទីតាំងនីមួយៗ ទទួលបាន៖ មី៥កេស , ទឹកសុទ្ធវីតាល់២៥កេស, កូកាកូឡា៥កេស, ម៉ាស់៥០ប្រអប់ , ជែលលាងដៃ ៥ដប(ធំ) និងថវិកា ១,០០០,០០០៛ផងដែរ៕
0 comments:
Post a Comment