សៀមរាប៖ជនបរទេសទាំង អស់ដែលកំពុងស្នាក់នៅ និងបំពេញការងារក្នុងខេត្តសៀម រាប ទទួលបានការចាក់វ៉ាក់ សាំងការពារជំងឺកូវីដ-១៩នាថ្ងៃទី២០ខែកក្កដា ឆ្នាំ២០២១ នេះ ដោយមិនគិតថ្លៃគ្រប់ៗគ្នា និងឈរលើគោលការណ៍ស្ម័គ្រចិត្ត។
លោកឱសថការី លឹម ហេង អនុប្រធានមន្ទីរពេទ្យបង្អែកខេត្តសៀមរាប និងជាប្រធានមណ្ឌលផ្តល់វ៉ាក់សាំង បានមានប្រសាសន៍ថា ការផ្តល់វ៉ាក់សាំងបង្ការជំងឺកូវីដ១៩ បានចាប់ផ្ដើមដំណើរការដូស ទី១ នៅថ្ងៃទី២០ ខែកក្កដា ឆ្នាំ២០២១នេះ ជូនដល់ជន បរទេសទាំងអស់ដែលកំពុងស្នាក់នៅ និងបំពេញការងារក្នុងខេត្តសៀមរាបហើយ ដែលប្រព្រឹត្តទៅនៅក្នុងបរិវេណមន្ទីរពេទ្យបង្អែកខេត្តសៀមរាប។
លោកបន្តថា ការចាក់វ៉ាក់ សាំងការពារជំងឺកូវីដ-១៩ ជូនដល់ជនបរទេសនាពេលនេះ បានធ្វើឡើងក្រោមការណែនាំរបស់រដ្ឋបាលខេត្តសៀមរាប ដែលបានគិតគូរអំពីសុខមាល ភាពរបស់ប្រជាពលរដ្ឋនិងជន បរទេសគ្រប់រូប ដែលកំពុងរស់នៅក្នុងខេត្តសៀមរាប។
លោកបន្តថា ការចាក់វ៉ាក់ សាំងការពារជំងឺកូវីដ-១៩ សម្រាប់ជនបរទេសនាពេល នេះ គឺផ្តល់ជូនចំពោះតែជន បរទេសណា ដែលបានធ្វើសំណើមកកាន់រដ្ឋបាលខេត្ត សៀមរាបប៉ុណ្ណោះ ដែលរហូត មកដល់ពេលនេះ មានចំនួនប្រមាណជាង២ពាន់នាក់ហើយ ពិសេសគឺធ្វើឡើង តាមគោលការណ៍មិនគិតថ្លៃ និងស្ម័គ្រចិត្ត ហើយក្រុមការ ងារត្រូវចាក់ជូនឱ្យបានគ្រប់ៗគ្នា រហូតដល់ថ្ងៃទី២៣ ខែកក្ក ដា ឆ្នាំ២០២១នេះ ក្នុងករណីនៅតែមានប្រជាពលរដ្ឋឬជន បរទេសស្ម័គ្រចិត្តមកទទួលវ៉ាក់សាំងនោះ យុទ្ធនានេះនឹងបន្តត្រូវធ្វើឡើងបន្តទៀត។
"ក្រោមការចង្អុល បង្ហាញរបស់ថ្នាក់ដឹកនាំខេត្ត ក៏ដូចជាអភិបាលក្រុង លោកបានចង្អុលបង្ហាញ អំពីការចាក់វ៉ាកសាំងសម្រាប់ជនបរ ទេស ដែលគាត់ស្នាក់នៅនិងប្រកបអាជីវកម្ម នៅក្នុងទីរួម ខេត្តសៀមរាបទាំងអស់ ដើម្បីទទួលបានវ៉ាក់សាំង។សូមជម្រាបថា ការចាក់វ៉ាក់ សាំងនេះ គឺហ្វ្រី(Free) អត់ មានទទួលលុយកាក់អីពីពួក គាត់ទេ គឺដោយការស្ម័គ្រចិត្តនិងផ្តល់ជូនគាត់ អ៊ីចឹងក្នុងថ្ងៃទី២០នេះ យើងឃើញថាជនបរទេសគាត់មកយ៉ាង ច្រើន អ៊ីចឹងយើងស្វាគមន៍គាត់ជានិច្ចយើងនឹងធ្វើការឱ្យអស់លទ្ធភាព បើសិនថ្ងៃនេះចាក់អត់អស់ទេ យើងនឹងបន្តទៅថ្ងៃស្អែកឬថ្ងៃខានស្អែក ព្រោះតាមគោលការណ៍ណែ នាំរបស់ថ្នាក់ខេត្តឱ្យយើងចាក់ពីថ្ងៃទី១០រហូតដល់ថ្ងៃទី២៣ ប៉ុន្តែក្នុងករណីប្រជាពលរដ្ឋយើងក្តី ជនបរទេសក្តី បើសិននៅមានបន្តទៀតយើងនឹងស្នើ សុំគោលការណ៍ចាក់បន្តដើម្បីចាក់រហូតទាល់តែអស់"។
សូមជម្រាបថា បច្ចុប្បន្ននេះប្រជាពលរដ្ឋក្នុងខេត្តសៀម រាប ក៏កំពុងដំណើរការចាក់
ដូសទី១ ដែលប្រព្រឹត្តទៅដោយរលូន៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM0dIQWc9PSIsImV4cCI6bnVsbCwicHVyIjoiYmxvYl9pZCJ9fQ==--996274ff438d7f7caa1109c4323298ac1e3ac552/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/71F33EAC-2FC3-4D10-B9E3-290F521.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMitIQWc9PSIsImV4cCI6bnVsbCwicHVyIjoiYmxvYl9pZCJ9fQ==--918ea7a670688d29a2a9b63898690e26dda9bbf5/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/7855790B-9EBB-4D85-9651-1B8A13E.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMnlIQWc9PSIsImV4cCI6bnVsbCwicHVyIjoiYmxvYl9pZCJ9fQ==--6a0ee23d82772aa343b445b722a4e11d9e088794/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/B06E186D-3FA7-4F67-9230-7E54B1E.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMjZIQWc9PSIsImV4cCI6bnVsbCwicHVyIjoiYmxvYl9pZCJ9fQ==--86b909ac1faad1526b6ac596e9815a7f03a09fab/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/963F3CC6-B35E-487D-9980-003E0C9.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMjJIQWc9PSIsImV4cCI6bnVsbCwicHVyIjoiYmxvYl9pZCJ9fQ==--43fa8c391d09ce463cb77d513bf86b271c879f8a/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/19271E9C-071D-4A83-9D16-09B6184.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM0NIQWc9PSIsImV4cCI6bnVsbCwicHVyIjoiYmxvYl9pZCJ9fQ==--1a51b31ac046d2358900abfab481d578332893a1/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/E612B2B1-354E-49D6-B3A4-3F2E04E.jpeg)
0 comments:
Post a Comment