សូមស្វាគមន៍ មានទទួលសេវាកម្ម បង្ហោះវេបសាយ ភ្ជាប់ Domain Slide ផ្សេងៗ និង ទទួលម៉ៅការ សំណង់គ្រប់ប្រភេទ/ភូមិនិរោធ/សង្កាត់និរោធ/ខណ្ឌច្បារអំពៅ/រាជធានីភ្នំពេញ/ទំនាក់ទំនង /Tel:017357556/0963622640
សូមស្វាគមន៍ មានទទួលសេវាកម្ម បង្ហោះវេបសាយ ភ្ជាប់ Domain Slide ផ្សេងៗ និង ទទួលម៉ៅការ សំណង់គ្រប់ប្រភេទ/ភូមិនិរោធ/សង្កាត់និរោធ/ខណ្ឌច្បារអំពៅ/រាជធានីភ្នំពេញ/ទំនាក់ទំនង /Tel:017357556/0963622640

Friday, June 04, 2021

ឯកឧត្តម អម សុភា អញ្ជើញចុះសួរសុខទុក្ខ និងនាំយកអំណោយចែកជូនដល់ប្រជាពលរដ្ឋ និងក្រុមការងារប្រចាំការ នៅមណ្ឌលចត្តាឡីស័ក ស្រុកជលគិរី

ចំនួនអ្នកទស្សនា: Views

​កំពង់ឆ្នាំង​៖ ឯកឧត្តម អម សុភា អភិបាលរង​ខេត្តកំពង់ឆ្នាំង នៅ​ព្រឹក​ថ្ងៃទី​២ ខែមិថុនា ឆ្នាំ​២០២១​នេះ អមដំណើរ​ដោយ លោក​វេជ្ជ ប្រាក់ វ៉ុ​ន ប្រធាន​មន្ទីរ​សុខាភិបាល​ខេត្តកំពង់ឆ្នាំង បាន​អញ្ជើញ​ចុះសាកសួរ​សុខទុក្ខ និង​នាំយក​អំណោយ​របស់​រដ្ឋ​បាល​ខេត្ត ចែកជូន ដល់​បងប្អូន​ប្រជាពលរដ្ឋ និង​ក្រុមការងារ​ប្រចាំការ នៅ​មណ្ឌល​ច​ត្តា​ឡី​ស័ក ស្រុក​ជល​គិរី ខេត្តកំពង់ឆ្នាំង​។ ដោយមាន​ការចូលរួម​ពី​លោក ហៃ មនោ​រម្យ អភិបាលស្រុក និង​ថ្នាក់ដឹកនាំ​មន្ត្រីរាជការ​ស្រុក​ជល​គិរី​ផងដែរ​។

​ឯកឧត្តម អម សុភា បាន​មានប្រសាសន៍​គូសបញ្ជាក់ថា ក្នុង​រយៈពេល​ចុងក្រោយ​ខេត្តកំពង់ឆ្នាំង ក៏មាន​ករណី​វិជ្ជមាន​ជំងឺ​កូ​វីដ​-១៩ ដែល​បង្ករ​ឱ្យមាន​ឈឺ​និង​ស្លាប់​ជា​បន្តបន្ទាប់ គួ​ឱ្យ​ព្រួយបារម្ភ​ផងដែរ​។ ឯកឧត្តម បាន​បញ្ជាក់ថា កន្លងមក​អាជ្ញាធរខេត្ត​កំពង់ឆ្នាំង កងកម្លាំង​សមត្ថកិច្ច និង ក្រុមគ្រូពេទ្យ​គឺ​បាន​បំពេញបេសកកម្ម​យ៉ាង​យកចិត្តទុកដាក់​បំផុត ក្នុងការ​ប្រឆាំង ទប់ស្កាត់​និង ការរីក​រាលដាល​នៃ​ជំងឺ​កូ​វីដ​-១៩ ដោយ​ដាក់​វិធានការ​យ៉ាង​ម៉ឺងម៉ាត់​បំផុត ដល់​អាជ្ញាធរ​មូលដ្ឋាន​គ្រប់លំដាប់​ថា្នក់​។

​ឯកឧត្តម បានបញ្ជាក់​បន្ថែមទៀត​ដែរ​ថា​ដើម្បី​បញ្ចៀស​ការឆ្លង​រីក​រាលដាល​នៅក្នុង​សហគមន៍​របស់ខ្លួន ដោយ​ប្រកាន់ខ្ជាប់​លាង​សំអាត​ដៃ​និង​សាប៊ូ ឬ អាកុល ពាក់​ម៉ាស់ គម្លាត​សុវត្ថិភាព និង មិនត្រូវ​ជួបជុំ​ដែលមាន​មនុស្ស​ច្រើន​នោះទេ​។ ដោយ​អនុវត្ត​ជាប្រចាំ​នូវ​វិធានការ​របស់​រាជរដ្ឋាភិបាល​គឺ ៣​ការពារ និង​៣​កុំ​។ អំណោយ​ដែល ឯកឧត្តម អម សុភា នាំយក​ចែកជូន​នាពេលនេះ​មាន​៖ អង្ករ​១​តោន ម៉ាស់​មួយ​កេស​ធំ ទឹកបរិសុទ្ធ​ចំនួន​២០​កេះ និង ទឹកក្រូច​ចំនួន​៤​កេស ផងដែរ ៕ ប្រភព​៖ មន្ទីរ​ព័ត៌មាន​ខេត្តកំពង់ឆ្នាំង


k
Share This
Author Image

About chbarampovpost.com
DDD

0 comments:

Post a Comment

 
BENNER
ADS
សូមស្វាគមន៍ មានទទួលសេវាកម្ម បង្ហោះវេបសាយ ភ្ជាប់ Domain Slide ផ្សេងៗ និង ទទួលម៉ៅការ សំណង់គ្រប់ប្រភេទ/ភូមិនិរោធ/សង្កាត់និរោធ/ខណ្ឌច្បារអំពៅ/រាជធានីភ្នំពេញ/ទំនាក់ទំនង /Tel:017357556/0963622640