បាត់ដំបង៖ ដោយសារតែស្ថាន ភាពអ្នកជំងឺកូវីដ១៩ កើតលើពលករត្រឡប់មកពីថៃ និងក្នុងព្រឹត្តិការណ៍ សហគមន៍២០កម្ភៈ កើនឡើងរាល់ថ្ងៃមិនឈប់នោះ រដ្ឋបាលខេត្តបាត់ដំបងបានសម្រេចបន្ថែមគ្រែព្យាបាលអ្នកជំងឺកម្រិតស្រាលចំនួន២០បន្ទប់ទៀត នៅវិទ្យាល័យសម្តេចឪ ក្នុងសង្កាត់ ស្វាយប៉ោ ក្រុងបាត់ដំបង ។
លោក វេជ្ជបណ្ឌិត អ៊ុកវិទ្យា អនុប្រធានមន្ទីរសុខាភិបាលខេត្តបាត់ដំបងបានឲ្យដឹងនាថ្ងៃទី១៧ ខែមិថុនាថា រដ្ឋបាលខេត្តសម្រេចរៀបចំកន្លែងព្យាបាល២០បន្ទប់ខាងលើនេះ ដើម្បីត្រៀមទុកជាមុន ដែលក្នុង មួយបន្ទប់អាចដាក់គ្រែព្យាបាលបានចំនួន៨គ្រែ ។
លោកបញ្ជាក់ថា ការរៀបចំគ្រែព្យាបាល បន្ថែមត្រៀមទុកជាមុន នេះ ពីព្រោះយើងមិនអាចប៉ាន់ ស្មានដឹង ទំហំនៃការឆ្លងជំងឺកូវីដ-១៩លើពលករមកពីថៃនិងពលរដ្ឋក្នុងសហគមន៍ប៉ុណ្ណាទៀតនោះទេ នាពេលខាងមុខ ដូច្នេះការត្រៀមទុកជាមុនជាការល្អបំផុត។
ទន្ទឹមនឹងនោះដែរលោកបញ្ជាក់ថា មន្ទីរសុខាភិបាលនៃរដ្ឋបាលខេត្តបន្តបំប៉នចំណេះដឹងដល់ គ្រូពេទ្យ និង គិលានុបដ្ឋាកថ្មីៗបន្ថែមទៀតឲ្យយល់ពីដឹងពីការព្យាបាល និង ការអប់រំ ផ្សេងៗ ដើម្បីត្រៀម លក្ខណៈ និង ធ្វើការចល័ត មន្រ្តីសុខាភិបាលដែលមានជំនាញនិងបទពិសោធន៍ ទៅជួយកន្លែង សម្រាកព្យាបាលរៀបចំថ្មី ជាមួយមន្រ្តីសុខាភិបាលថ្មីៗ ដើម្បីផ្ទេរចំណេះដឹងនិងបទពិសោធន៍គ្នា ក្នុងការព្យាបាល ។
សូមបញ្ជាក់ថា គិតមកត្រឹមថ្ងៃទី១៦ខែមិថុនា ខេត្តបាត់ដំបងរកឃើញអ្នកជំងឺកូវីដ-១៩ សរុបចំនួន ៥៦៨នាក់ ក្នុងនោះជាសះស្បើយ ២៦៤នាក់ ស្លាប់បីនាក់ និង កំពុងសម្រាកព្យាបាលចំនួន៣០១នាក់ ៕
(ប្រភព:វិទ្យុជាតិកម្ពុជាចំការចេក)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMU5tQWc9PSIsImV4cCI6bnVsbCwicHVyIjoiYmxvYl9pZCJ9fQ==--c6efe6ba953a8e591a7b1a1e13ce504cdb8e144c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/FE4AB7E8-4AA5-4A68-9EBC-E9E1F2F.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMVZtQWc9PSIsImV4cCI6bnVsbCwicHVyIjoiYmxvYl9pZCJ9fQ==--0a7a36dde09457c0185969014c15e632bda64044/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/913D4AF5-8564-4BB8-8A1C-7DD57AA.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMVptQWc9PSIsImV4cCI6bnVsbCwicHVyIjoiYmxvYl9pZCJ9fQ==--c7ceca628a6dbc44ab9ea8ff370bf15a6af3ed20/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/63E448CD-00E9-4E7F-8AAD-A424A56.jpeg)
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBMWRtQWc9PSIsImV4cCI6bnVsbCwicHVyIjoiYmxvYl9pZCJ9fQ==--633ed1ffd85cf005df5fa05de9f4488ef7ee0287/74E917B9-45CB-45BC-8C3C-162A47F.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMWhtQWc9PSIsImV4cCI6bnVsbCwicHVyIjoiYmxvYl9pZCJ9fQ==--005b88c83ed69c9cd179797135aa968e2251a4f2/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/7205EC46-39C8-4EC8-935C-42CD9FF.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMVJtQWc9PSIsImV4cCI6bnVsbCwicHVyIjoiYmxvYl9pZCJ9fQ==--94d343b0f037c05aff6c70abdd1bebb3ac6edc9e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/346E6759-5655-4C4F-901A-440FFFD.jpeg)
0 comments:
Post a Comment