សូមស្វាគមន៍ មានទទួលសេវាកម្ម បង្ហោះវេបសាយ ភ្ជាប់ Domain Slide ផ្សេងៗ និង ទទួលម៉ៅការ សំណង់គ្រប់ប្រភេទ/ភូមិនិរោធ/សង្កាត់និរោធ/ខណ្ឌច្បារអំពៅ/រាជធានីភ្នំពេញ/ទំនាក់ទំនង /Tel:017357556/0963622640
សូមស្វាគមន៍ មានទទួលសេវាកម្ម បង្ហោះវេបសាយ ភ្ជាប់ Domain Slide ផ្សេងៗ និង ទទួលម៉ៅការ សំណង់គ្រប់ប្រភេទ/ភូមិនិរោធ/សង្កាត់និរោធ/ខណ្ឌច្បារអំពៅ/រាជធានីភ្នំពេញ/ទំនាក់ទំនង /Tel:017357556/0963622640

Thursday, October 08, 2020

ជំទាវ​ លឹម​ ម៉ា​រីណា​ ផ្សព្វ​ផ្សាយ​អនុសាសន៍​១១​ចំណុច ​របស់​សម្តេច​តេជោ​

ចំនួនអ្នកទស្សនា: Views

     


 កង​ពលតូចដឹកជញ្ជូនលេខ៩០ កងទ័ពជើង​គោក ​បាន​ប្រារព្ធ​ពិធី​ផ្សព្វ​ផ្សាយ អនុសាសន៍១១ចំណុច ដ៏ខ្ពង់ខ្ពស់របស់ សម្តេចតេជោ ហ៊ុន សែន ទស្សនយេនឌ័រ និងទប់​ស្កាត់​អំពើហិ​ង្សា​ក្នុ​ងគ្រួសា​រ ដល់​នាយ​ទាហាន ​នាយ​ទាហាន​រង​ និង​ពល​ទាហាន​ នា​ព្រឹក​ថ្ងៃទី០៦ ខែតុលា ឆ្នាំ២០២០​ស្ថិត​ក្រោម​អធិបតីភាព ​លោកជំទាវ ឧត្តមសេនីយ៍ឯក លឹម ម៉ារីណា អគ្គនាយក​រង​ នៃ​អគ្គ​នាយដ្ឋាន​យោធ​សេវា ​និង​ជា​អនុ​ប្រធាន​ក្រុម​ការ​ងារ​យេន​ឌ័រ​ ក្រសួង​ការ​ពារ​ជាតិ​។


​      នៅ​ក្នុង​ឱកាស​នោះ ប​ន្ទា​ប់​ពី​របាយ​ការណ៍​ស្វាគមន៍​របស់ ​លោក​អនុ​សេនីយ៍​ត្រី​ ឌី ​សុភាព ​នាយ​រង​ការិយា​ល័យ​អប់រំ​ចិត្ត​សាស្ត្រ ​និង​ជា​ប្រធាន​ក្រុម​ការ​ងារ​យេន​ឌ័រ​ កង​ពល​តូច​ដឹក​ជញ្ជូន​លេខ​៩០​ ស្តី​អំពី​សកម្មភាព​ និង​ស្ថាន​ភាព​យោធិន​នារី ​ក្នុង​កង​ពល​តូចដឹក​ជញ្ជូន​លេខ​៩០​រួច​មក​, ​លោក​ជំទាវ ​លឹម ​ម៉ា​រីណា ​ក្នុង​នាម​ លោកជំទាវ ដាំ ដារីនី រដ្ឋលេខា​ធិការ ​ប្រធាន​ក្រុម​ការងារ​យេន​ឌ័រ​ ក្រសួង​ការពារជាតិ ​ក៏ដូចជា ​សម្តេចពិជ័យសេនា ទៀ បាញ់ និង​មេ​បញ្ជាការ​ កង​ទ័ព​ជើង​គោក ​បាន​ថ្លែង​អំណរ​គុណ​ចំ​ពោះ​ក្រុម​ការងារ​យេន​ឌ័រ ​កង​ទ័ព​ជើង​គោក​ ដែល​បាន​ចុះ​មក​ផ្សព្វ​ផ្សាយ​តាម​ទិស​ដៅរ​បស់​ក្រសួង​ការ​ពារ​ជាតិ ​និង​មាន​គោល​បំណង​បង្កើន​ការ​យល់​ដឹង​ពី​សារៈ​សំខាន់ ​ចំពោះ​ប្រទេស​ជាតិ​របស់​យើង​ធ្វើ​ការ​អភិវឌ្ឍន៍​ និង​ដើម្បី​ឲ្យ​កង​ទ័ព​យល់​ដឹង​អំពី​គោលនយោ​បាយ​របស់​រាជ​រដ្ឋា​ភិបាល ​នៅ​ក្នុង​ការ​លើក​ក​ម្ពស់សា្ថភាព​របស់​ស្ត្រីកម្ពុជា ក្នុងការចូលរួមគ្រប់វិស័យ ព្រមទាំងបង្កើ​ន​ការ​យល់ដឹ​ងអំ​ពីទ​ស្សន​យេនឌ័រ និងទប់ស្កាត់​អំពើ​ហិង្សា​ក្នុង​គ្រួសារ​ ដើម្បី​ឲ្យ​នាយ​ទាហាន ​នាយ​ទាហាន​រង​ និ​ងព​លទាហាន​ ក្នុង​កង​ពល​តូច​ដឹក​ជញ្ជូន​លេខ​៩០​ ទាំង​អស់​ស្វែ​ង​យល់​ លើ​ខ្លឹម​សារ​ ស៊ី​ជម្រៅ​ការ​ងារ​យេន​ឌ័រ​ សម​ភាព​ សម​ធម៌​យេន​ឌ័រ​ និង​ការ​លើក​ស្ទួយ​ នៃស​មត្ថភាពរ​បស់​នារី​ នៃ​កង​យោធ​ពល​ខេមរ​ភូមិន្ទ​ ស្រប​តាម​ផែន​ការ​យេន​ឌ័រ​ ក្រសួង​ការ​ពារ​ជាតិ ​អគ្គ​បញ្ជាការ ​និង​កង​ទ័ព​ជើង​គោក​។​


      លោកជំទាវ លឹម ម៉ារីណា បាន​គូស​បញ្ជាក់​ថា៖​ អនុសាសន៍​១១​ចំណុច​ដ៏​ខ្ពង់​ខ្ពស់​របស់​សម្តេច​តេជោ ស្តែង​ឲ្យឃើញពី​ការ​ទប់​ស្កាត់​រាល់​ទម្រង់ ​នៃ​ការ​រើស​អើង​លើ​ស្ត្រី​ និ​ង​កុមារ ​ការ​ជួញដូរ​ផ្លូវ​ភេទ​ ទប់​ស្កាត់​អំពើ​ហិង្សា​ក្នុង​គ្រួសារ ​និ​ង​យល់​ច្បាស់​អំពី​សម​ភាព​យេន​ឌ័រ​ ហើយ​ធ្វើ​យ៉ាង​ណាស្រា​វ​ជ្រាវ​ រាល់​ស្ថាន​ភាព​លំបាក​របស់​ស្រ្តី​ ជា​មួយ​បុរស​ ដែល​កត្តា​សំខាន់​បំផុត ​ដើម្បី​ធានា​បាន​នូវ​សុខ​សន្តិភាព​ ប្រកប​ដោយចេរភាព​ក្រោម​ការ​ដឹក​នាំ ​និងនយោបាយ​ឈ្នះ ​ឈ្នះ ព្រម​ទាំង​រក្សា​ប្រពៃណី វ​ប្បធម៌ ​របស់​ប្រទេសជា​តិ​កម្ពុជា​។ ​លោក​ជំទាវ​ ឧត្ត​មសេនីយ៍​ឯក បានថ្លែង​អំណរគុណយ៉ា​ងជ្រៀលជ្រៅ​ចំពោះ មេបញ្ជាការ​ ក​ង​ពល​តូច​ដឹក​ជញ្ជូ​ន​លេខ​៩០​ តែង​តែយ​ក​ចិត្តទុក​ដាក់​គាំទ្រ​​ ព្រម​​ទាំ​ង​ជួយ​​ឧបត្ថម្ភ​​ ទាំង​ស្មារតី​​ ថវិកា ​និង​សម្ភារៈ ​ដល់​​យុទ្ធនារី​​ ក្នុង​​កង​​ព​ល​តូច​​ដឹក​​ជញ្ជូន​លេខ​៩០ ​រប​ស់​​ក​ង​ទ័​ព​ជើង​​គោក ​ក្នុ​ងនោះ​ដែរ​ សំណូម​ព​រ​​ដ​ល់​មេ​បញ្ជាការ ​កង​ពល​​តូច​​លេខ​​៩​០​ គាំទ្រ​នារី​បន្ត​ទៀត ហើយ​ផ្ត​​ល់​ឱកាស​​ដ​ល់​យោធិន​នារី​ បាន​ចូល​រួម​​គ្រប់​សកម្មភាព​​ការ​ងារ​។ ​នៅ​ក្នុង​ឱកាស​នោះ ​បន្ទាប់​ពី​បានប្រារព្ធ​ពិធី​បើក​រួច​មក​ ក្រុម​ការងារយេនឌ័រ​កង​ទ័ព​ជើង​គោក​ បាន​ផ្សព្វផ្សាយ​នូវ​អនុសាសន៏ ​១១​ចំនុចដ៏ខ្ពង់​ខ្ពស់​របស់​ សម្តេច​អគ្គ​មហា​សេនា​បតី​តេជោ ​ហ៊ុន​ សែន​ រួម​នឹង​ការយល់​ដឹង​អំពើ​ហឹង្សា​ក្នុង​គ្រួសារ​ជូន​អង្គ​ពិធី​ជាបន្ត​បន្ទាប់​។


      បន្ទាប់ពីបានប្រារព្ធពិធីផ្សព្វផ្សាយអស់រយៈពេលពេញ មួយថ្ងៃរួចមក ពិធីផ្សព្វផ្សាយបានប្រាព្ធបិទ ក្រោមអធិបតីភាព ឧត្តមសេនីយ៍ឯក ចាប វ៉ាន្នី មេបញ្ជាការរងកងទ័ពជើងគោក។ អញ្ជើញមានប្រសាសន៏សំណេះសំណាលនាឱកាសនោះ ឧត្តមសេនីយ៍ឯក ចាប វ៉ាន្នី បានមានប្រសាសន៏ថា៖ ក្រោមការដឹកនាំរបស់រាជរដ្ឋា​ភិបាល​ ដែលមាន សម្តេចតេជោ ហ៊ុន សែន បានដាក់ចេញឲ្យគ្រប់ក្រសួងស្ថាប័ន ទាំងថ្នាក់ជាតិ និងថ្នាក់ក្រោម​ជាតិ បន្តជម្រុញការអនុវត្តន៏បញ្ជ្រាបយេនឌ័រ ឲ្យមានប្រសិទ្ធភាព និងភាពជាក់លាក់ក្នុងការអនុវត្តន៏​គោល​នយោបាយជាតិ បទបញ្ញត្តិពាក់ព័ន្ធ និងលើកកម្ពស់ស្ថានភាព សមត្ថភាពស្ត្រី រួមនឹងកិច្ចខិតខំប្រឹងប្រែង​ក្នុងការលើកកម្ពស់សមភាពយេនឌ័រ និងការផ្តល់ឱកាសឲ្យនារីនៅក្នុងកងយោធពលខេមរភូមិន្ទ កាន់​តែ​ប្រសើរ​ឡើង ដើម្បីបំពេញតួនាទីរបស់ខ្លួនក្នុងស្មារតីទទួលខុសត្រូវ ក្នុងកិច្ចការការពារជាតិមាតុភូមិ និងភារ​កិច្ច​អន្តរជាតិ។


      ឯកឧត្តម ចាប វ៉ាន្នី បានលើកឡើងថា៖ អនុសាសន៏ របស់សម្តេចតេជោបានស្តែងឲ្យឃើញការលុបរាល់ទំរង់នៃការរើសអើងលើស្ត្រី់ ស្វែងយល់អំពីឧបសគ្គរារាំង ក្នុងការបំពេញតួនាទីសំរាប់ថ្នាក់ដឹកនាំនារី, ស្វែងយល់អំពីស្ថាន​ភាពសេដ្ឋកិច្ច, បង្កើនច្បាប់ជួញដូរផ្លូវភេទ, បង្កើនគំរោងជួយ ឲ្យឃើញការលុបរាល់ទំរង់នៃការរើស​អើង​លើ​ស្ត្រី់ ដើម្បីកាត់បន្ថយភាពងាយរងគ្រោះពីអំពើហឹង្សាក្នុងគ្រួសារ។ ឯកឧត្តម ចាប វ៉ាន្នី ក៏បានសំនូមពរដល់ឯកឧត្តម អស់លោក មេបញ្ជាការ មេបញ្ជាការរង នាយទាហាន នាយទាហានរង យោធភូមិភាគ តំបន់ប្រតិប្តការ​សឹក​ខេត្ត កងពលដោយផ្ដល់ឱកាស និងជំរុញលើកទឹកចិត្តដល់នាយទាហានជានារី ក្នុងការទទួលបាននូវតួនាទី និងឋានន្តរសក្តិ ដោយផ្តល់ឱកាស និងយកចិត្តទុកដាក់ ជម្រុញលើកទឹកចិត្ត លុបបំបាត់ទស្សនរើស​អើង​លើ​ស្ត្រី បង្កើនការយកចិត្តទុកដាក់ដល់គ្រួសារយោធិនពលី ពិការ និងយោធិនមុនចូលនិវត្តន៏ ៕














k
Share This
Author Image

About chbarampovpost.com
DDD

0 comments:

Post a Comment

 
BENNER
ADS
សូមស្វាគមន៍ មានទទួលសេវាកម្ម បង្ហោះវេបសាយ ភ្ជាប់ Domain Slide ផ្សេងៗ និង ទទួលម៉ៅការ សំណង់គ្រប់ប្រភេទ/ភូមិនិរោធ/សង្កាត់និរោធ/ខណ្ឌច្បារអំពៅ/រាជធានីភ្នំពេញ/ទំនាក់ទំនង /Tel:017357556/0963622640